ເວລາ 09:00 ໂມງ ວັນທີ 20 ກັນຍາ 2024 ຄະນະກຳມະການໂອແລມປິກແຫ່ງຊາດລາວໄດ້ຈັດກອງປະຊຸມຜ່ານແຜນການ 4 ປີ (2025 – 2028) ຂອງ ຄະນະກຳມະການໂອແລມປິກແຫ່ງຊາດລາວ ໂດຍມີ ທ່ານ ສົມພູ ພົງສາ ເປັນປະທານ

ໃນຕອນເຊົ້າຂອງວັນທີ 19 ກັນຍາ 2024, ເວລາ 10:00 ໂມງ, ກົມພິມຈຳໜ່າຍຕາງໜ້າໃຫ້ ທະນາຄານແຫ່ງ ສປປ ລາວ ໄດ້ມອບຫຼຽນທີ່ລະນຶກ ໂອລິມປິກ ປາຣີ 2024 ລິຂະສິດແບບຢ່າງ ປະເພດຫຼຽນເງິນ ຈຳນວນ 02 ຫຼຽນ ໃຫ້ແກ່ຄະນະກຳມະການໂອແລມປິກແຫ່ງຊາດລາວ (ຄອລ) ເພື່ອເກັບຮັກສາໄວ້ເປັນທີ່ລະນຶກ (ວາງສະແດງ) ຕາງໜ້າມອບຈາກທະນາຄານແຫ່ງ ສປປ ລາວ, ກົມພິມຈຳໜ່າຍ ໂດຍແມ່ນ ທ່ານ ບຸນທະວີ ສຸກດາວົງ ຫົວໜ້າກົມພິມຈຳໜ່າຍ ແລະ ຕາງໜ້າຮັບເອົາລິຂະສິດແບບຢ່າງດັ່ງກ່າວ ໂດຍແມ່ນທ່ານ ສົມພູ ພົງສາ ຮອງປະທານ ຄອລ

ພິທີມອບໃບປະກາດໃຫ້ແກ່ນັກສຳມະກອນໃນງານສຳມະນາການຄວບຄຸມການໃຊ້ສານຕ້ອງຫ້າມໃນກິລາ ທີ່ຈັດຂຶ້ນລະຫວ່າງວັນທີ 18 – 19 ກັນຍາ 2024 ທີ່ ຫ້ອງສະໂມສອນ ຄະນະກຳມະການໂອແລມປິກແຫ່ງຊາດລາວ ໃນຕອນທ່ຽງວັນທີ 19/08/2024

ນັກກິລາ ພິກເກີ້ລບອລ ໄດ້ມາມອບຫຼຽນທີ່ຊະນະເລີດຈາກການແຂ່ງຂັນຊິງແຊ້ມໃນລະດັບພາກພື້ນກິລາພິກເກີ້ລບອລ ໃຫ້ແກ້ທ່ານເລຂາທິການ ເພື່ອນໍາໄປວາງສະແດງໃນຫໍມູນເຊື້ອຂອງ ຄະນະກໍາມະການໂອລິມປິກແຫ່ງຊາດລາວ